Poo-Sani Wedding Invite

Other post sitted in drafts for more than year ...

||श्री।।

गजाननाला वंदन करुनी

तुळजाईचे स्मरण करुनी

मंगल खंडोबा मनी स्मरोनी

सद्भावाने निमंत्रितो मुदित मनांनी

"पूर्णिमा" ही जयमाला-जनार्दनची

बहिण लाडकी प्रणालीची

सुहास्यवदना लेक उबाळ्यांची

सोज्वळ -शारदा मुसळ्यांची भाची

"सनिल" सुपुत्र स्वाती-श्यामसुंदर यांचा

वडील बंधू शालाकेचा

बुद्धिवान, नम्र भाचा हा गोलतकरांचा

वर लाभला "पांजरी" कुटुंबियांचा

लग्न-सोहळा निश्चित जाहला

मंगल दिनी '१६ डिसेंबरला'

आनंदाचा घनु बरसला

मोर मनाचा सुखात न्हाला

आप्तेष्टांसह आपण यावे

सहभागी सोहळ्यात व्हावे

सर्वांसंगे सुख वाटावे

वधूवरांना शुभ चिंतावे

स्नेह-परिवार अपुल्या सेवेसी

आत्या -काकांच्या जोडीसी

निमंत्रण आम्ही करितो खांसी

वधू-वरांच्या शुभेछ्चासाठी

Wedding_invite : Ameya and Pranali

It's been more than year this post was in drafts...Finally publishing it.

।।श्री।।

पाहिलं नमन हे, गणेश वंदन ।

तुळजाईसह खंडोबासी , मनोभावे हे निमंत्रण ।

सकळ देवतांसंगे, आपण करावे येथे पाचारण ।।

"प्रणाली" ही जयमाला- जनार्दनची ।

प्रफुल्लिता भाची ही मायेच्या मुसळ्यांची ।

 सृजनशील सुकन्या ही उबाळे परिवाराची ।।

"अमेय" हा वंदना- राजन यांचा ।

विवेकी भाचा हा पितळ्यांचा ।

सुविद्य-सुसंस्कृत  सुपुत्र वर लाभला "पोतदारांचा" ।।

'८ डिसेंबर' मंगल दिनी ।

यावे आपण आनंद चित्ती । 

वधू - वर बंधती विवाह गाठी ।। 

हर्ष आगळा, हा क्षण सुखाचा ।

मेळ होई, येथे दोहों परिवारांचा ।

शुभारंभ होईल, सुखी संसाराचा ।।

बागडे-धुमाळे-लोकरे-वारे ।

आपणांसी निमंत्रिती स्नेही सारे ।

वरद हस्त ठेवण्यांसी, यावे आपण समस्त परिवारासंगे ।।
http://www.mywedding.com/pranaliameya/